انى خير اللهم اجعله خير

غزيت يعنى فغلا طلعت احارب

لابس ابيض ف ابيض

وداهن كل طياراتى ودباباتى

أبيض ف ابيض

رايح افتح حيفا وعكا واهى عكا بعكا

اعمل حاجة احسن ماانا عايش خايف

وناديت ع الفرسان الشجعان

وبصراحة اتجمعوا ولبوا الندا

محدش فيهم كان خواف او م الحرب هايب

بس قالوا لى اللون الابيض استسلام

روح غيره وسعتها ممكن معاك نحارب

وادينى راجع اصحى

واغطس ف الزفت والون حياتى

اسود على سواد يمكن حد يرضه

يشاركنى غزوات احلامى.